Бала Құқығы

Отанымыздың ертеңі де, өркені де бүгінгі ұрпақ. Сол ұрпақтың тәртіпті де, тәрбиелі болуы алдыңғы толқынның парызы мен қарызы десем еш қателеспеймін. Сондықтан мен,Серікова Мөлдір «Балалар өкілдігіне» кандидаттығымды ұсынып, өзімнен кішілерге қамқор болып, әр баланың балалық шағы уайымсыз, құқығы бұзылмауына үлес қосқым келеді. Мен бірнеше өзекті мәселелерді қарастырдым. Бірінші, бала дискриминацияға жынысы, ұлты, діні, терісінің түсі, тілі, отбасы немесе денсаулық жағдайына қарай ұшырауы мүмкін, бұл баланың психикасына ақау тигізіп, құқығы бұзылуына әкеледі. Сол себепті , әр бала өз құқығы бұзылған сәтте ересектерден ұялып, айтпауы мүмкін. Мен ұйым басшысы бола отыра, мектептегі әр баламен жақсы қатынаста болып, кез-келген уақытта маған өз мәселесімен еш ыңғайсызданбай бөлісе алатынын қамтамасыз етемін.

Біліңіздер! Егер де сіздің өміріңізде бір қауіп төнген жағдайда, біздің ұйым сізді қолдайды. Ұйымның басты мақсаты баланың таңдауына, құқығына құрмет көрсетіп, оған қамқор болу, және барынша махаббат беру. Бірақ,есіңізде болсын, егерде сіз басқа баланың құқығын бұзбаған жағдайда ғана, сіздің құқығыңыз қорғалады.